बचत कार्यक्रम

१. नियमित बचतः

सहकारीको नियमानुसार प्रत्येक शेयर सदस्यले नियमित रुपमा प्रत्येक महिना बचत गर्नुपर्नेछ । नियमित बचत न्युनतम रु १०० देखि अधिकतम १०००० सम्म हुनसक्नेछ । तर बचत रकम आफ्नो शेयरभन्दा १० गुनाभन्दा बढी हुनसक्ने छैन ।

नियमित बचतमा विलम्ब भएमा  १ प्रतिशत शुल्क लाग्नेछ । 

२. ऐच्छिक बचतः

प्रत्येक शेयर सदस्यले ऐच्छिक बचत गर्न चाहेमा यस शीर्षकका कुनैपनि बचत स्कीममा तोकिएको नियम पालना गरी बचत गर्न पाउनेछन् ।

क शैक्षिक बचतः

आफ्ना बालबालिकाको सुन्दर भविष्यको लागि यस प्रकारको बचत गर्न सकिनेछ । यस्तो बचत शुरु गर्नुपूर्व बचतकर्ता र सहकारीको व्यवस्थापनबीच दोहोरो सम्झौता पत्र गरिनेछ । शैक्षिक बचत आवधिक हुनेछ । आफ्ना बालबालिकालाई भविष्यमा गुणस्तरीय शिक्षा दिनका लागि सजिलो हुनेछ । आवधिक बचतलाई बीचमा रोक्न तथा झिक्न पाइनेछैन । झिक्नै परेमा सहकारीले प्रशासनिक खर्च वापत कूल रकमको १ प्रतिशत देखि २ प्रतिशतसम्म सेवाशुल्क काट्न सक्नेछ ।

ख व्यापारिक बचतः

यस प्रकारको बचत प्रत्यक्ष व्यवसायमा संलग्न शेयर सदस्यप्रति लक्षित गरिएको छ । यस्तो बचत दैनिक रुपमा व्यावसायीले जम्मा गर्न सक्नेछन् । यो बचत बचतकर्ताले आफ्नो दैनिक व्यापार मुताविक जम्मा गर्नुपर्दछ । यस्तो बचतको ब्याज प्राप्त हुँदैन ।

ग. श्रम बचत

श्रम बचत सहकारीका शेयर सदस्यहरुले आफ्नो श्रमको ज्यालाबाट आउने रकमबाट बचत गर्न सक्नेछन् । यसरी गरिने बचत शैक्षिक बचत अनुसारकै स्कीममा लागु हुनेछ ।

घ. स्वास्थ्य बचतः

शेयर सदस्यहरुले आफ्नो स्वास्थ्य उपचारका लागि सहकारीका सदस्यहरुको बचतमा आधारित स्कीम अनुसार स्वास्थ्य उपचार खर्च बचत गर्न सकिनेछ ।

ङ. किरिया बचतः

जेष्ठ शेयरसदस्यहरुले आफ्नो वा सबै शेयर सदस्यहरुले आफ्ना आफन्तहरुको किरियाका लागि खर्चस्वरुप बचत गर्न सक्नेछन् । त्यसका लागि यस सहकारीको बचतस्कीम अनुसार बचत गर्न सकिनेछ ।